Siviilaáittardeaddji Arne Fliflet

Arne Fliflet lea riegádan 1946, ja šattai cand.jur. 1971.

Son lei riektediehtaga universitehtalektor Oslo universitehtas 1973 ja lea maŋŋá oahpahan ja lea leamaš sensor Oslo, Bergena ja Romssa universitehtain.

Son lei duopmárválddálaš Førdes Sunnfjordas 1974-75. 1975-1990 son lei advokáhta, sihke almmolaš bálvalusas ja priváhta doaimmas.

Son lei Ráđđehusadvokáhta luhtte 1976 rájes gitta 1986 rádjai, gaskkalduhtii barggu go válddii oahpu Londonis 1979 ja barggai stáhtaadvokáhtan Eidsivating stáhtaadvokáhtavirggiid olis 1980-81. Son šattai alimusriekteadvokáhtan 1978 ja lei bistevaš bealušteaddji Eidsivating lágamánnerievttis 1989-90.

Stuorradiggi nammadii Arne Fliflet áittardeaddjin vuosttaš geardde 1990. Dan rájes son lea válljejuvvon ođđasit vihtta geardde, maŋimusat 2009.

Arne Fliflet lea almmustahttán fágagirjjiid ja lea čállán fágaartihkkaliid almmolašrievtti gažaldagain.