Sivilombodsmann Arne Fliflet

Arne Fliflet er fødd i 1946 og blei cand.jur. i 1971.

Han var universitetslektor i rettsvitskap ved Universitetet i Oslo i 1973 og har seinare undervist og vore sensor i offentleg rett ved universiteta i Oslo, Bergen og Tromsø.

Han var dommarfullmektig i Førde i Sunnfjord i 1974–75. Frå 1975 til 1990 var han advokat, både i offentleg teneste og i privat praksis.

Fliflet var hos Regjeringsadvokaten frå 1976 til 1986, avbrote av eit studieopphald i London i 1979 og teneste som statsadvokat ved Eidsivating statsadvokatembete i 1980–81. Han blei høgsterettsadvokat i 1978 og var fast forsvarar i Eidsivating lagmannsrett 1989–90.

Stortinget utnemnde Arne Fliflet som ombodsmann første gongen i 1990. Han er seinare blitt attvald fem gonger, sist i 2009.

Arne Fliflet har gitt ut fagbøker og har skrive fagartiklar om offentlegrettslege spørsmål.