Siviilaáittardeaddji

Siviilaáittardeaddji bearráigeahččá hálddahusa. Bearráigeahčču dahkkojuvvo dan vuođul go riikka ássit váidalit boasttuvuođaid ja vearrivuođaid, maid sii oaivvildit almmolaš hálddahusa dahkan. Áittardeaddji meannuda váidalusaid, mat gusket sihke stáhta, gieldda ja fylkkagieldda hálddahussii.

Áittardeaddjái váidaleamis ii dárbbaš máksit. Váidalus galgá leat čálalaš ja dan galgá vuolláičállit. Don sáhtát čállit reivve dahje geavahit váidalanskovi. Áittardeaddji sáhttá maid geahčadit áššiid iežas álgagiin. Álbmoga cavgileamit sáhttet leat mávssolaš gáldut dan barggus.