Neahttasaji birra

Persovdnasuodjaluscealkámuš

Dáinna cealkámušain Siviilaáittardeaddji čilge mo son meannuda persovdnadieđuid, mat registrerejuvvojit www.sivilombudsmannen.no bokte, ja makkár rutiinnat Siviilaáittardeaddjis leat elektrovnnalaš oktavuođaváldimiid gieđahallamii.

Statistihkka

Mii háliidit ovddidit ja buoridit iežamet neahttasiiddu, ja geavahit danin Google Analytics, mii lea webguorahallanreaidu, maid Google, Inc (”Google”) fállá. Google Analytics geavaha diehtoniesttážiid (cookies), mat leat teakstafiillat, mat sajuštuvvojit du dihtorii. Nu dahkkojuvvo vai neahttasadji sáhtášii guorahallat mo geavaheaddjit geavahit neahttasaji. Dieđut, maid diehtoniesttáš  čohkke du geavahusa birra (maiddái du IP-čujuhusa), sáddejuvvojit Googlii ja vurkejuvvojit fitnodaga serveriin USA:s. Google árvvoštallá dan vuođul mo don geavahat neahttasiiddu ja ráhkada dan vuođul neahttasaji oamasteaddjái raportta dan birra, makkár aktivitehta neahttasajis lea, ja maiddái fállan dihte eará bálvalusaid neahttasaji aktivitehtaid oktavuođas ja interneahta geavaheami oktavuođas. Google sáhttá maid sirdit dieđuid goalmmát oasálažžii, jos dasa lea rievttálaš geatnegasvuohta, dahje jos goalmmát oasálaš meannuda dieđuid Google ovddas.

Google ii ovttastahte du IP-čujuhusa eará dieđuiguin, mat das deivet leat. Don sáhtát biehttalit diehtoniesttážiid (cookies) geavaheami dan láhkai ahte muddet iežat neahttalohkki (browsera). Dalle fertet fuomášit ahte it soaitte beassat geavahit buot neahttasaji funkšuvnnaid ollislašvuohtan. Go geavahat neahttasaji, de don dohkkehat ahte Google meannuda dieđuid du birra bajábealde namuhuvvon vugiin ja namuhuvvon ulbmilii.

Siviilaáittardeaddji ráhkada namuhuvvon dieđuid vuođul neahttasaji galledanstatistihka. Dieđuid vuođul eai identifisere ovttaskas olbmuid. Statistihkkadieđuid eai ovttastahte eará gálduid dieđuiguin.

E-poasta Siviilaáittardeaddjái

E-poastta geavaheamis leat heajos bealit sihkkarvuođa dáfus. E-poastta berre danin geavahit dušše ovttageardánis gažaldagaide. Siviilaáittardeaddji bivdá leat geavatkeahttá e-poastta go leat sáddemin teavsttaid, main leat sensitiiva dahje priváhta dieđut. Mii meannudit vuostáiváldojuvvon e-poasttain seammá láhkai go dábálaš reivepoastta.