Váidaleapmi

Ovdal go váidalat áittardeaddjái, berret iskat:

• leatgo geavahan hálddahusa siskkabeale váidalanvejolašvuođa

Jos hálddahusas lea váidalaninstánsa dahje geahččo- dahje gozihanorgána, mii sáhttá meannudit ášši, de ferte váidalusa sáddet vuos dohko. Siviilaáittardeaddji ii galgga meannudit ášši ovdalgo dat lea loahpalaččat mearriduvvon hálddahusas.

• leatgo váidalan áigemeari siste

Áittardeaddjái galgá váidalit jagi siste. Áigemearri rehkenastojuvvo hálddahusa loahpalaš mearrádusas áššis dahje dan áiggis, goas dat dáhpáhuvai masa váidaleapmi guoská.

Áššit, maid áittardeaddji ii meannut 

Siviilaáittardeaddji sáhttá iskat eanaš lágan áššiid ja diliid, maid almmolaš eiseválddit leat meannudan ja mearridan. Muhtin áššiid áittardeaddji ii dattetge meannut. Dakkárat leat earret eará:

• Priváhta nákkut

• Duopmostuoluid doaimmat

• Muhtin mearrádusat, maid gielddastivra dahje fylkkadiggi lea dahkan

• Áššit maid hárrái Stuorradiggi dahje Odeldiggi lea ovddidan oainnus

• Mearrádusat mat leat dahkkojuvvon stáhtaráđis

• Riikkarevišuvnna doaibma

• Áššit mat gullet Suodjalusa áittardeaddjái ja Siviila suodjalangeatnegasaid áittardeaddjái
 

Váldde oktavuođa minguin jos it leat sihkar das sáhttágo áittardeaddji meannudit du ášši. Sáhtát riŋget dahje bivdit deaivvadeami áššemeannudeaddjiin.