Váidalanreivve ovdamearka

Go áiggut váidalit Siviilaáittardeaddjái, de sáhtát juogo čállit reivve dahje geavahit váidalanskovi, maid fertet čálihit ja sáddet poastta mielde. Vuolábealde oainnát ovdamearkka, mo sáhtát sátnádit váidalanreivve. Muitte ahte váidalusa ferte vuolláičállit.

                                                                                                                                                                    Golggotmánu 1. b. 2008
Siviilaáittardeaddji/Sivilombudsmannen
Postboks 3 Sentrum
0101 Oslo
 

Mus lea okto ovddasvástádus guovtti mánás, geat leaba 6 ja 9 jagi. Dáppe Sámmolváris in sáhte oažžut barggu. Mánáid geažil in sáhte váldit barggu eará sajis.

Mun oaččun oalle unnán doarjaga. Lassin oaččun vehá doarjaga NBČ:s. Eará boađut mus eai leat. Dan geažil in nagot máksit vealtameahttun goluid biktasiid ja stobu ovddas. Lean čállán badjálagaid listtu iežan boađuin ja goluin, ja das oaidná man doaivvuheapmi mu dilli lea.

Sosiálabálvalus lea dattetge hilgon mu ohcamuša, mas lean ohcan sosiálaveahki. Bijan mielddusin hilgunreivve. Lean váidalan fylkkamánnii, muhto dat ii dorjon mu váidalusa. Fylkkamánni lei ovtta oaivilis sosiálakantuvrrain. Bijan mielddusin kopiija das maid. Fylkkamánni mearridii ášši suoidnemánu 22. b. 2008, nu ahte váidalan jagi siste, mii lea áittardeaddji váidalanáigemearri.

Sáhttágo áittardeaddji veahkehit mu?
 

Sunná Sápmelaš
Guoddalangeaidnu 99
9999 Sámmolvárri

Mildosat