Oahppodoarjja: Loana rievdadeapmi stipeandan

Káre lea fárren ruovttus ja áigu lohkagoahtit buohccedivššárin. Son ohcá Loatnakássas loana ja stipeandda. Ohcamuš juolluduvvo.

Káre diehtá ahte oassi loanas sáhttá rievdaduvvot stipeandan go son lea ceavzán eksámenis. Muhtin áiggi eksámena maŋŋá son oažžu Loatnakássas dieđu ahte sutnje mieđihit rievdadit dušši oasi dan supmis, maid lea vejolaš rievdadit stipeandan. Loatnakássa reivves čuožžu ahte sus lea vuoigatvuohta váidalit. Káre geavaha váidalanvuoigatvuođa, muhto Loatnakássa váidalanlávdegoddi ii mieđit su váidalussii. Son jearrá de sáhttágo son váidalit Siviilaáittardeaddjái, ja mo son dan berre dahkat.

Ii leat vássán jahki váidalanlávdegotti mearrádusas. Káre sáhttá danin váidalit Siviilaáittardeaddjái. Su mielas lea álkit geavahit áittardeaddji váidalanskovi go čállit reivve. Káre čáliha skovi áittardeaddji ruovttusiiddus. Son deavdá dan ja bidjá mielddusin váidalanlávdegotti mearrádusa. Váidalanskovi ja dan mildosiid son sádde áittardeaddji poastačujuhussii.