Sosiálaveahkki: Dábálaš eallingoluid doarjaga mearrádusa váidalus

Pedar ohcá sosiálaveahki dábálaš eallingoluide. Ohcamuš juolluduvvo, muhto son oažžu ollu unnit, go lei rehkenastán. Su mielas mearrádus lea dahkkojuvvon boastut ja sosiálakantuvra lea meannudan ášši boastut. Pedar jearrá sáhttágo son váidalit Siviilaáittardeaddjái.

Sosiálakantuvrra mearrádusa sáhttá váidalit fylkkamánnii. Dan váidalanvejolašvuođa ferte geavahit ovdalgo Siviilaáittardeaddji sáhttá meannudit ášši. Pedar ferte danin vuos váidalit fylkkamánnii.

Pedar sádde váidalusa sosiálabálvalussii, mii doalaha mearrádusa ja sádde ášši fylkkamánnii. Fylkkamánni maid ii doarjjo Pedara oainnu.

Dál go fylkkamánni lea dahkan loahpalaš mearrádusa, Pedar sáhttá váidalit Siviilaáittardeaddjái. Son fuolaha das ahte sádde váidalusa áigemeari siste, jagi siste (rehkenastojuvvo fylkkamánni mearrádusa áigemeari rájes). Pedara mielas lea álkimus geavahit áittardeaddji váidalanskovi. Son čáliha skovi Siviilaáittardeaddji ruovttusiiddus, deavdá dan ja bidjá mielddusin fylkkamánni mearrádusa kopiija. Váidalanskovi ja mildosa son sádde áittardeaddji poastačujuhussii: Siviilaáittardeaddji, Postboks 3 Sentrum, 0101 OSLO.